Shugaba Putin ya ce dakarun Rasha sun kama hanyar cimma nasara a yaƙin da suke da Ukraine.
Da ya ke jawabi a wajen taron da ya saba yi kowacce shekara, Mista Putin ya ce dakarunsa suna ci gaba da mamaye muhimman wurare a Ukraine.
Amma bai bayyana haƙiƙanin kusancin da Rasha ta kai ga cimma muradin ta na yaƙin ba.
Shugaban Rashan ya kuma bayyana aniyar sa ta ganawa da Donald Trump a duk lokacin da zaɓabben shugaban Amurkan ya shirya.
Ya kuma yi iƙirarin cewa tattalin arzikin Rasha yana bunƙasa cikin sauri fiye da na Amurka da kuma tarayyar Turai.
