Babban jami'in Binance da aka tsare a Najeriya a shari'ar crypto ya tsere

Wani jami'in gudanarwa na musayar cryptocurrency Binance ya tsere daga tsare a Najeriya, inda aka kaddamar da bincike kan dandalin da ake zargin ana amfani da shi wajen hada-hadar kudade, a cewar hukumomi.

Nadeem Anjarwalla, manajan yankin Binance a Afirka, "ya gudu daga Najeriya ta hanyar amfani da fasfo na bogi", in ji ofishin mai ba Najeriya shawara kan harkokin tsaro a wata sanarwa a ranar Litinin.