Dubban mutane na neman ƴan uwansu a gidan yarin Sednaya na Syria

Dubbun al'umma a Syria sun yi fitar farin ɗango zuwa gidan yarin da ake tsare fursunonin siyasa domin neman ƴan uwansu.

Ƴan tawayen da suka ƙwace iko a ƙasar sun ce sun ƴantar da sama da mutane 100 da ake tsare da su a gidan yarin Saydnaya da ke Damascus, amma akwai sauran mutanen da ba a iya gano su ba.

Jami'an tsaro na Civil Defense sun ce su ma sun bincika kurkukun karkashin ƙasa da na ɓoye amma ba su ga sauran ba.